Nəcəf Əliyev 2014-2018-ci illərdə Azərbaycan Dillər Universitetinin Koreya-Azərbaycan-Ingilis dilləri üzrə Tərcümə fakültəsində təhsil alıb.

2015-2016 -cı illərdə Koreyanın Xarici Dillər Universitetində Koreyaşünaslıq və Beynəlxalq münasibətlər ixtisası üzrə universitetlərarası mübadilə proqramı vasitəsilə təhsilini davam etdirib.

2018-2020-ci illərdə Bakı Mühəndislik Universiteti Biznesin Təşkili və İdarə edilməsi (Maliyyə-Ingilis Sektoru) ixtisası üzrə magistr təhsili aldıqdan sonra 2021-ci ildə Azərbaycan Dövlət İqtisad Universitetinin Daxili Fiskal Siyasət və Dövlət Maliyyəsi üzrə doktorantura proqramına qəbul olunub. Hal-hazırda 2 Koreya universitetindən Data Analitika üzrə birləşmiş magistr-doktorant proqramı üzrə qəbul alıb.

Məzunumuzun iş həyatı da olduqca parlaqdır. Nəcəf Əliyev 2017-2018 ci – illərdə Samsun Engineering Şirkətinin EPC kontraktoru olduğu SOCAR Amonia Urea Complex layihəsində layihə koordinatoru vəzifəsində çalışıb.

2018-2020 illərdə əsasən frilans olaraq müxtəlif dövlət və özəl qurumlarda ingilis, koreya dillərində sinxron, ardıcıl tərcümə ,tur bələdçiliyi və Azərbaycanda çəkiliş edən Koreya televiziyaları üçün layihə koordinatorluğu vəzifəsini icra edib.

2020-2022-ci illərdə Koreyanın ZinoGlobal şirkətinin Beynəlxalq Ticarət əlaqələri üzrə mütəxəssisi olub.

2022-2023 ci illərdə Azərbaycanın ilk ödənişli yol layihəsinə texnologiya təminatını həyata keçirən Koreyanın Straffic şirkətinin layihə menecerlərindən biri olub.

Hal-hazırda 2018-ci ildən bəri davam etdiyi Koreyada təhsil almaq istəyənlər üçün konsultantlıq xidmətini göstərir. İndiyə kimi 50-yə yaxın tələbənin Koreyada təqaüdlü, təqaüdsüz bakalavr ,magistr doktorantura pillələri üzrə təhsil almalarına kömək edib.

Kateqoriya: Xəbərlər